Гасперини А Серияда 1000 очко тўплаган учинчи мураббийга айланди
«Рома» Италия чемпионатининг 19-турида сафарда «Лечче»ни мағлуб этди.
ФОТО: Getty Images
«Рома» бош мураббийи Жан Пьеро Гасперини А Серияда 1000 очко тўплаган учинчи мураббийга айланди.
Италия чемпионатининг 19-турида римликлар сафарда «Лечче»ни 2:0 ҳисобида мағлуб этди. Учрашув Лечче шаҳридаги «Виа дел Маре» стадионида бўлиб ўтди.
Opta Sport маълумотига кўра, ғалаба учун 3 очко бериладиган тизим (1994/1995 мавсумидан бери) жорий этилгандан буён 1000 очко маррасига Гасперинигача фақат икки мураббий етиб келган: Лучано Спаллетти («Ювентус»), Массимилиано Аллегри («Милан»)
Гасперини 2025 йил ёзидан бери «Рома»ни бошқариб келмоқда. Ҳозирда жамоа 19 та ўйиндан сўнг 36 очко билан 5-ўринда бормоқда. Худди шунча очко — «Ювентус»да ҳам бор.
Етакчи жамоалардан 3 очко орқада, бироқ «Интер», «Милан» ва «Наполи»нинг 2 тадан ўйини захирада.
