Гарсия «Фулхэм»да Роналду билан бирга ўйнашни истайди
Гарсия ўтган ёзда «Реал»дан «Фулхэм»га 40 миллион евро эвазига кўчиб ўтган.
ФОТО: Getty images
«Фулхэм» ҳужумчиси Гонсало Гарсия Криштиану Роналду билан бир жамоада ўйнашни хоҳлашини билдирди.
Бироқ испаниялик футболчи ҳозирча Саудия Арабистонига кўчиб ўтишни режалаштирмаяпти. У ўзининг португалиялик қаҳрамони Криштиану Роналдуни «Крейвен Коттеж» стадионида кўришни истамоқда.
— «Фулхэм»га қайси футболчини трансфер қилган бўлардингиз?
— Бу жуда осон. Криштиану Роналду, — деди 22 ёшли футболчи. Унинг жавобини Madrid Xtra келтирди.
Гонсало Гарсия ўтган ёзда Мадриднинг «Реал» клубидан «Фулхэм»га 40 миллион евро эвазига кўчиб ўтган. «Қироллик клуби»нинг собиқ ҳужумчиси Лондон жамоаси сафида еттита учрашувда майдонга тушиб, икки марта гол урган.
