Гарсия фаолиятини АПЛда давом эттириши мумкин
Ўйинчининг «қироллик клуби» билан шартномаси 2030 йилгача мўлжалланган.
ФОТО: Getty images
«Реал» клуби ҳужумчиси Гонсало Гарсия фаолиятини Англия Премьер-лигасида давом эттириши мумкин. Бу ҳақда журналист Грэм Бэйли хабар бермоқда.
Манбага кўра, «Ньюкасл» 22 ёшли футболчини ўз трансфер мақсади сифатида белгилаб олган.
«Қарғалар» ҳужум чизиғини кучайтиришни режалаштирмоқда ва келаётган мавсумлар оралиғида «қаймоқранглилар»га испаниялик футболчи бўйича таклиф билан чиқишлари мумкин.
Transfermarkt портали баҳосига кўра, ёш ҳужумчининг бозор қиймати 30 миллион еврони ташкил этади. Ўйинчининг «қироллик клуби» билан шартномаси 2030 йилгача мўлжалланган.
Розикжон Султонмуродов
Журналист