Гарет Бейл Англия жамоасини сотиб олмоқчи
ФОТО: Getty Images
Мадриднинг “Реал” клуби собиқ ҳужумчиси Гарет Бейл Америка компанияси билан биргаликда “Плимут” клуби акцияларини сотиб олиши мумкин.
Уэлслик юлдуз жамоа акцияларини харид қилиш бўйича келишувда иштирок этиши кутилмоқда.
Агар келишув муваффақиятли якунланса, америкаликлар Бейлни клубни бошқарувчи компаниянинг юзи сифатида намоён этиши мумкин.
Эслатиб ўтамиз, Гарет Бейл 2023-йилнинг январ ойида профессионал футболчилик фаолиятини якунлаган. У 9 йил давомида “Реал” шарафини ҳимоя қилган ва Мадрид клуби билан 5 марта Чемпионлар Лигасида ғалаба қозонган.
Насрулло Каримов
Журналист