Гандбол. Туркманистон ҳам мағлуб этилди
Покистоннинг Файсалобод шаҳрида гандбол бўйича U-17 ва U-19 қизлар жамоалари ўртасида уюштирилаётган Халқаро гандбол федерацияси кубогининг III - Марказий Осиё босқичи давом этмоқда.
Бугун Ўзбекистон U-19 ва Туркманистон U-19 терма жамоалари ўзаро беллашди. Айтиш лозим, рақибларимиз ҳам ҳамюртларимиз каби мағлубиятсиз келаётган бўлиб, бу қарама-қаршиликни финалга қиёслаш мумкин эди.
Шу жиҳатдан, гандболчи қизларимиз ўйиннинг муҳимлигидан кўнгилдан ҳис қилишди. Табиийки, уларнинг саъй-ҳаракати бенатижа қолмади. Вакалаларимиз 26:18 ҳисобида зафар қучишди. Эртага Тожикистон жамоаси билан бўлиб ўтадиган учрашув натижасидан қатъий назар, жамоамиз муддатидан олдин IHF кубогининг U-19 биринчилиги ғолиблигини қўлга киритишди ва навбатдаги босқичга йўл олди.
