Гана терма жамоаси Жаҳон чемпионатига йўл олди
Гана терма жамоаси 2026 йилги Жаҳон чемпионати саралаш босқичида Комор ороллари терма жамоасини 1:0 ҳисобида мағлуб этди ва мусобақанинг финал босқичига йўл олди.
Гана жамоаси 10 турдан сўнг 25 очко тўплаб, "I" гуруҳида биринчи ўринни эгаллади.
Натижада Гана 5-бор мундиалда қатнашадиган бўлди. Жамоа 2006 йилги жаҳон чемпионатида дебют қилган ва шундан бери фақат 2018 йилги турнирни ўтказиб юборди.
Шу тариқа, Гана Жаҳон чемпионатида қатнашиш ҳуқуқини қўлга киритган 21-жамоа бўлди. Аввалроқ мусобақада иштирок этиш имконига эга бўлган жамоалар қуйидагилар эди: Мексика, АҚШ, Канада (мезбон сифатида), Япония, Эрон, Жанубий Корея, Иордания, Австралия, Ўзбекистон, Янги Зеландия, Аргентина, Эквадор, Бразилия, Колумбия, Уругвай, Парагвай, Марокаш, Тунис, Миср ва Жазоир.
