«Galatasaroy» кетма-кет тўртинчи бор Туркия чемпионилигини қўлга киритди
Суперлига якунлашига яна битта тур қолди.
ФОТО: Getty Images
«Galatasaroy» Туркия Суперлигасининг 33-турида «Antalyaspor» устидан 4:2 ҳисобида ғалаба қозониб, кетма-кет тўртинчи марта мамлакат чемпионига айланди. Ҳал қилувчи баҳс Истанбулдаги «RAMS Park» стадионида бўлиб ўтди.
Ғолиблар таркибида яримҳимоячилар Марио Лемина ва Каан Айҳан ўз ҳисобига биттадан гол ёздириб қўйган бўлса, ҳужумчи Виктор Осимҳен дубл қайд этишга муваффақ бўлди.
Ушбу ғалабадан сўнг «Galatasaroy» очколари сонини 77 тага етказди ва турнир жадвалида пешқадамлик қилмоқда. Чемпионат якунланишига бир тур қолганида жамоа ўзининг энг яқин таъқибчиси — «Fenerbaxche»ни тўрт очкога ортда қолдириб, муддатидан олдин чемпионликни нақд қилди.
Насрулло Каримов
Журналист