«Galatasaroy» ketma-ket to‘rtinchi bor Turkiya chempionligini qo‘lga kiritdi

«Galatasaroy» Turkiya Superligasining 33-turida «Antalyaspor» ustidan 4:2 hisobida g‘alaba qozonib, ketma-ket to‘rtinchi marta mamlakat chempioniga aylandi. Hal qiluvchi bahs Istanbuldagi «RAMS Park» stadionida bo‘lib o‘tdi.

G‘oliblar tarkibida yarimhimoyachilar Mario Lemina va Kaan Ayxan o‘z hisobiga bittadan gol yozdirib qo‘ygan bo‘lsa, hujumchi Viktor Osimhen dubl qayd etishga muvaffaq bo‘ldi.

Ushbu g‘alabadan so‘ng «Galatasaroy» ochkolari sonini 77 taga yetkazdi va turnir jadvalida peshqadamlik qilmoqda. Chempionat yakunlanishiga bir tur qolganida jamoa o‘zining eng yaqin ta’qibchisi — «Fenerbaxche»ni to‘rt ochkoga ortda qoldirib, muddatidan oldin chempionlikni naqd qildi.

Nasrullo Karimov

Jurnalist