«Галатасарой» яримҳимоячиси Ноа Ланг «Энфилд»даги баҳсда оғир жароҳат олди
Футболчи майдонни замбил ёрдамида тарк этди.
ФОТО: Getty Images
UEFA Чемпионлар Лигасининг 1/8 финал босқичидан ўрин олган «Ливерпул»га қарши жавоб учрашувида (4:0) Туркиянинг «Галатасарой» жамоаси аъзоси Ноа Ланг бармоғидан жиддий жароҳат олди.
Учрашувнинг 75-дақиқасида Ланг майдон четидаги реклама щитига урилиб кетиши натижасида бармоғига шикаст етган. Футболчининг жароҳати кучли қон кетиши билан кузатилган ва у бир муддат майдонда ётиб қолган. Якунда шифокорлар уни замбил ёрдамида майдондан олиб чиқиб кетишган.
Эслатиб ўтамиз, «Галатасарой» плей-оффнинг ўтиш босқичида «Ювентус»ни (умумий ҳисоб 7:5) мағлуб этиб, ушбу босқичга етиб келган эди. Жорий мавсумдаги Чемпионлар лигасининг финал учрашуви 2026 йил 30 май куни Будапештдаги «Пушкаш Арена» стадионида бўлиб ўтиши белгиланган.
Насрулло Каримов
Журналист