«Galatasaroy» yarimhimoyachisi Noa Lang «Enfild»dagi bahsda og‘ir jarohat oldi
UEFA Chempionlar Ligasining 1/8 final bosqichidan o‘rin olgan «Liverpul»ga qarshi javob uchrashuvida (4:0) Turkiyaning «Galatasaroy» jamoasi a’zosi Noa Lang barmog‘idan jiddiy jarohat oldi.
Uchrashuvning 75-daqiqasida Lang maydon chetidagi reklama shitiga urilib ketishi natijasida barmog‘iga shikast yetgan. Futbolchining jarohati kuchli qon ketishi bilan kuzatilgan va u bir muddat maydonda yotib qolgan. Yakunda shifokorlar uni zambil yordamida maydondan olib chiqib ketishgan.
Eslatib o‘tamiz, «Galatasaroy» pley-offning o‘tish bosqichida «Yuventus»ni (umumiy hisob 7:5) mag‘lub etib, ushbu bosqichga yetib kelgan edi. Joriy mavsumdagi Chempionlar ligasining final uchrashuvi 2026 yil 30 may kuni Budapeshtdagi «Pushkash Arena» stadionida bo‘lib o‘tishi belgilangan.
