«Галатасарой» Салоҳни ўз сафига қўшиб олмоқчи
Салоҳнинг клуб билан амалдаги шартномаси 2027 йил ёзигача мўлжалланган.
ФОТО: Getty images
“Ливерпуль” ҳужумчиси Муҳаммад Салоҳ фаолиятини Туркия чемпионатида давом эттириши мумкин, дея хабар бермоқда журналист Экрем Конур.
Манбага кўра, “Галатасарой” клуби мисрлик 33 ёшли форвардни ўз сафига қўшиб олишни режалаштирмоқда.
Маълум қилинишича, футболчининг ўзи ҳам Туркия чемпионатига ўтишга қарши эмас. Бу қарорга унинг “Галатасарой” стадионидаги мухлислар муҳити жуда катта таъсир кўрсатган, у ердаги атмосфера Салоҳни жуда илҳомлантиргани айтилмоқда.
Салоҳнинг клуб билан амалдаги шартномаси 2027 йил ёзигача мўлжалланган. Transfermarkt маълумотига кўра, Салоҳнинг нархи 50 миллион еврони ташкил этади.
Розикжон Султонмуродов
Журналист
