“Галатасарой” Рафаэль Леау учун янги таклиф тайёрламоқда

“Галатасарой” “Милан” ҳужумчиси Рафаэль Леауни трансфер қилиш бўйича музокараларни давом эттирмоқда.

Журналист Саша Тавольерининг маълумотига кўра, Истанбул клуби 27 ёшли португалиялик футболчи учун яқин соатларда янги таклиф билан чиқиши кутилмоқда. Леаунинг ўзи ҳам фаолиятини “Галатасарой”да давом эттириш вариантига қизиқиш билдирмоқда.

Аввалроқ “Галатасарой” футболчи учун 35 миллион евро таклиф қилгани, бироқ “Милан” бу таклифни рад этгани ҳақида хабарлар тарқалган эди.

Ўтган мавсумда Леау барча мусобақаларда 31 та учрашувда майдонга тушиб, 10 та гол урди ва 3 та голли узатмани амалга оширди.

Насрулло Каримов

Журналист

0 0 0 0 0 0