«Галатасарой» «МЮ» яримҳимоячиси билан музокаралар олиб борди

«Галатасарой» Англиянинг «Манчестер Юнайтед» клуби яримҳимоячиси Мануэль Угарте билан музокаралар ўтказди. Шунингдек, турк гранди ўзаро алоқаларни манкунианликлар билан ҳам ўрнатди. Бу ҳақда журналист Эрол Евкен X ижтимоий тармоғидаги саҳифасида хабар берди.

Манбага кўра, «Галатасарой» 24 ёшли футболчи учун «қизил иблислар»га қулай таклиф тақдим қилган, аммо ҳозирча бу келишув расмийлаштирилмаган.

Жорий мавсумда Угарте барча турнирларда 11 та ўйинда майдонга тушган, аммо гол ёки ассист билан ажралиб турмаган.

Футболчининг клуб билан амалдаги шартномаси 2029 йил ёзигача мўлжалланган. Transfermarkt маълумотларига кўра, унинг бозор қиймати 30 млн еврони ташкил этади.

Насрулло Каримов

Журналист