«Галатасарой» Бруну Фернандешни нишонга олди — манба
«Галатасарой» клуби «Манчестер Юнайтед» яримҳимоячиси ва сардори Бруну Фернандешни трансфер қилиш вариантни кўриб чиқмоқда. Туркия клуби келаси мавсумдаги Чемпионлар Лигаси ўйинлари олдидан таркибни кучайтирмоқчи. Бу ҳақда Takvim нашри хабар бермоқда.
Манбанинг таъкидлашича, «Галатасарой» аввал ҳам португалиялик хавбекни сотиб олишга уриниб кўрган эди. Клуб раҳбарияти ёзги трансфер ойнаси вақтида Фернандеш билан яна алоқага чиқишни режалаштирмоқда.
Жорий мавсумда 31 ёшли яримҳимоячи барча турнирлар доирасида 32 та учрашувда майдонга тушиб, 8 та гол ва 19 та голли узатмани амалга оширди. Фернандешнинг клуб билан амалдаги шартномаси 2027 йилнинг ёзига қадар мўлжалланган. Transfermarkt портали тақдим этган маълумотларга кўра, футболчининг бозор қиймати 40 миллион еврога тенг.
