Футзал. Ўзбекистон ўсмирлари Баҳрайн сафаридан олдин сўнгги йиғинга киришди
Турнир 22-31-октябрь саналарда Баҳрайнда бўлиб ўтади.
photo: UFF
Жорий йилнинг 22-31-октябрь саналарда Баҳрайнда бўлиб ўтадиган III Осиё Ёшлар ўйинларида иштирок этиши кутилётган Ўзбекистон ўсмирлар терма жамоаси пойтахтимизда сўнгги тайёргарлик машғулотларини олиб бораяпти.
Дилшод Раҳматов бошчилигидаги мураббийлар штаби терма жамоага номзод ўйинчиларнинг жисмоний тайёргарлигини оптимал ҳолатга олиб чиқиш, кўпроқ тўп билан ишлаш, ўйин услубини шакллантириш йўлида тинимсиз изланишаяпти.
Йиғин давомида бугун ўсмирлар терма жамоамиз Жиззах вилояти футбол академияси тарбияланувчиларига қарши назорат учрашувида майдонга чиқишди. 19-ҳамда 21-октябрь саналарда эса Қирғизистон ўсмирлар терма жамоалари билан кўрик-назорат учрашувлари ўтказилиши ҳам режалаштирилган.
Иброҳим Жалолов
Редактор