Futzal. O'zbekiston o'smirlari Bahrayn safaridan oldin so’nggi yig’inga kirishdi
Joriy yilning 22-31-oktabr sanalarida Bahraynda bo‘lib o‘tadigan III Osiyo Yoshlar o‘yinlarida ishtirok etishi kutilayotgan O‘zbekiston o‘smirlar terma jamoasi poytaxtimizda so’nggi tayyorgarlik mashg‘ulotlarini olib borayapti.
Dilshod Rahmatov boshchiligidagi murabbiylar shtabi terma jamoaga nomzod o’yinchilarning jismoniy tayyorgarligini optimal holatga olib chiqish, ko’proq to’p bilan ishlash, o‘yin uslubini shakllantirish yo’lida tinimsiz izlanishayapti.
Yig’in davomida bugun o’smirlar terma jamoamiz Jizzax viloyati futbol akademiyasi tarbiyalanuvchilariga qarshi nazorat uchrashuvida maydonga chiqishdi. 19-hamda 21-oktabr sanalarida esa Qirg’iziston o’smirlar terma jamoalari bilan ko’rik nazorat ushrashuvlari o’tkazilishi ham rejalashtirilgan.
