Футзал. Ёшлар терма жамоамиз Қозоғистон сафарига йўл олмоқда

2026-йилги мавсум якунида Ўзбекистон ёшлар терма жамоаси ёпиқ иншоотларда ўтказиладиган Осиё ўйинларида мамлакатимиз шарафини ҳимоя этиши кутилмоқда.

Мамлакат биринчилиги ҳамда Ўзбекистон кубоги мусобақаларидаги иштирок, шунингдек, тажрибали клубларга қарши тенгма-тенг кечаётган баҳслар ёшларимизнинг халқаро майдонларга пухта тайёргарлик кўраётганини тасдиқламоқда.

Эртага Нодир Элибоев бошчилигидаги терма жамоамиз Қозоғистон Республикасининг Туркистон вилоятига йўл олади.

Қозоғистон футбол ассоциацияси таклифига биноан ташкил этилаётган ушбу сафар давомида жамоамиз мезбонлар ёшлар терма жамоасига қарши иккита ўртоқлик учрашувида майдонга тушади.

Иброҳим Жалолов

Редактор