Футзал. Ёшлар тайёргарликни давом эттиришмоқда
Шу боисдан йигитлар Биринчи лиганинг якуний турида мухлисларини хурсанд этишга астойдил ҳозирланишмоқда.
photo: UFF
Бу йилги мавсумда илк бор расмий мусобақаларда қатнашиб, маҳоратларини сайқаллаб бораётган Ўзбекистон ёшлар терма жамоаси айни кунларда мамлакат биринчилигининг сўнгги турига қизғин тайёргарлик кўрмоқда.
Константин Свиридов бошчилигидаги ёшларимиз Биринчи лигага нисбатан "ЎФФ Президенти кубоги" мусобақасида ёрқинроқ иштирок этаётганини қайд этиш лозим. Шу боисдан йигитлар Биринчи лиганинг якуний турида мухлисларини хурсанд этишга астойдил ҳозирланишмоқда.
Ички мусобақаларда тўпланаётган тажриба мавсум охирида Ёшлар терма жамоамизга қўл келиши керак. Зеро, ЎФФ раҳбарияти куз фаслида Саудия Арабистонида бўлиб ўтадиган Ёпиқ иншоотлардаги Осиё ўйинларига айнан мана шу ёшларимизни юборишни режалаштирган.
Иброҳим Жалолов
Редактор