Футболчиларимнинг менталитетидан хурсандман – Каннаваро
Ўзбекистон миллий терма жамоаси БААнинг Ал-Айн шаҳрида ўтказилган халқаро ўртоқлик турнири ғолибига айланди. Эронга қарши пенальтилар сериясидаги ғалабадан сўнг Ўзбекистон терма жамоаси бош мураббийи Фабио Каннаваро ўз фикрлари билан ўртоқлашди.
- Ғалаба қозониш ҳар доим ёқимли, футболчилар, мухлислар хурсанд. Эронга қарши ўйин осон бўлмади. Ҳар доим курашиш керак. Эрон жуда кучли, уларга қарши бўшашиб бўлмайди. Биринчи таймда ўйинни назорат қилдик, жуда яхши ўйнадик. Учта яхши имкониятдан фойдалана олмадик. Иккинчи таймда гол уролмадик, ўйин пенальтилар сериясигача борди. Рақиб дарвозамиз олдида имконият яратмади. Албатта қизил картадан кейин ўйин қийинлашди. Футболчиларимнинг менталитетидан хурсандман. Бир ўйинчи кам бўлсак ҳам, рақибга ҳеч қандай имконият бермадик.
- Эрон Осиёдаги энг кучли жамоалардан бири, жуда яхши футболчиларга эга. Футболчиларим қизил картадан кейин қийинчиликларга янада кўпроқ бардош бера олишини тушунди, бир жамоа бўлиб ўйнади. Бундай кучли жамоага қарши камчилик бўлиб ўйнаш ҳар доим қийин.
- Биринчи куни айтганимдек, кўп нарсани ўзгартиришни хоҳламайман, фақат баъзи жиҳатларни яхшилашни истайман. Биз кўпроқ ҳимоя орқали ҳужумга ўтишга ҳаракат қилдик. Кўпроқ мувозанатга, юқори прессингга ҳаракат қилдик. Бу оддий нарсалар, ўзига хос жиҳати йўқ. Жаҳон чемпионатигача вақт кўпмас, кўп нарсани ўзгартира олмаймиз. Лекин омадим бор, жуда ақлли ўйинчиларга эгаман. Улар машғулотлардан завқ оляпти. Терма жамоада ички муҳит ҳам яхши. Жамоани жисмоний тарафлама яхшилашимиз керак. Март ойида яна кўрамиз, жамоани жисмоний тарафлама яхшилашимиз керак.
- Янги нутрициолог? У албатта бизга ёрдам беради. Овқатнинг сифати майда нарса бўлиши мумкин, аммо кейинчалик яхши натижаларга олиб келади. Аммо нутрициолог келгани учун ғалаба қозондик деб айтолмайман.
- Пенальтилар бўйича машғулот қилдик ва қайси ўйинчилар яхши тепишини аниқлаб олдим, шунга қараб танладим. Аммо пенальтилар баъзан яхши, баъзан ёмон натижа билан тугайди. Бугун пенальтилар бўйича Эрондан яхшироқ бўлдик. Ва биз кубокни уйга олиб кетамиз.
- Остон Ўрунов яхши ўйнаши керак, унинг салоҳияти юқори, лекин 45 дақиқадан кейин унда муаммолар пайдо бўляпти. Ўйиндан завқ олиши кераклигини ўзига ҳам айтдим. Бир ўйинда яхши ҳаракат қилиб, иккинчи ўйинда суст бўлишини хоҳламайман. Келажакда унга ёрдам берамиз ва кўпроқ барқарорлик кутиб қоламиз.
- Январда йиғин ўтказамиз, лекин фақат маҳаллий футболчилар қатнашади. Кўпроқ ёшларни жалб қиламиз" - деди Каннаваро.
