“Футбол вилоят биринчилиги” лигаси мусобақасида 21-турга келиб, FC Guliston жамоаси муддатидан олдин чемпионликни қўлга киритди
Ушбу муваффақият FC Guliston жамоасининг бир мавсум давомида намоён этган барқарор ўйини, жамоавий меҳнати ва юксак профессионаллигининг амалий исботидир.
photo: Google
Сирдарё вилояти ярим профессионал ва ҳаваскор футбол клублари ўртасидаги “Футбол вилоят биринчилиги” лигаси мусобақасида 21-турга келиб, FC Guliston жамоаси муддатидан олдин чемпионликни қўлга киритди. Жамоа шу билан бирга, декабр ойида Жиззах вилоятида ўтказиладиган Республика босқичи (Пулка) мусобақасида иштирок этиш ҳуқуқини қўлга киритди.
Бугунги FC Guliston – Бойовут учрашувидан сўнг жамоалар иштирокида тантанали тақдирлаш маросими бўлиб ўтди. Маросим давомида фахрли биринчи ўринни эгаллаган FC Guliston жамоасига чемпионлик кубоги тантанали равишда топширилди.
Ушбу муваффақият FC Guliston жамоасининг бир мавсум давомида намоён этган барқарор ўйини, жамоавий меҳнати ва юксак профессионаллигининг амалий исботидир.
Иброҳим Жалолов
Редактор