“Фулхэм” Силва борасида бир қарорга келган
Португалиялик мутахассисга қизиқиш билдираётган жамоалар сони кўп.
ФОТО: Getty images
“Фулхэм” раҳбарияти бош мураббий Марку Силва билан шартномани узайтиришни режалаштирмоқда. Бу ҳақда The Athletic портали маълум қилди.
Манбага кўра, амалдаги келишувда 17,2 миллион евро миқдоридаги товон пули тўғрисидаги банд мавжуд.
Чунки португалиялик мутахассисга кўплаб жамоалар жиддий қизиқиш билдирмоқда. Хусусан, “Ноттингем Форест” ҳам Силвага таклиф билан чиққан эди.
Силва ҳам жамоада қолишга тайёр. Аммо ҳозирда ҳеч қандай музокаралар олиб борилмаяпти.
Маълумот учун, жамоа АПЛ турнир жадвалида 14-ўринни эгаллаб турибди.
Розикжон Султонмуродов
Журналист