“Фулҳэм” янги ярим ҳимоячи трансфери расман эълон қилди
22 ёшли футболчи Лондон клуби билан 2031 йил ёзига қадар мўлжалланган шартнома имзолади.
Фото: Getty Images
“Фулҳэм” “Саутҳэмптон” ва Шимолий Ирландия терма жамоаси ярим ҳимоячиси Шеа Чарльзни ўз сафига қўшиб олганини расман эълон қилди.
22 ёшли футболчи Лондон клуби билан 2031 йил ёзига қадар мўлжалланган шартнома имзолади. Келишувда яна бир мавсумга узайтириш имконияти ҳам кўзда тутилган. Чарльз янги жамоасида 19-рақам остида тўп тепади.
Ўтган мавсумда ярим ҳимоячи “Саутҳэмптон” сафида Чемпионшипда 33 та учрашув ўтказиб, 4 та гол урган.
Трансфер суммаси расман ошкор қилинмаган. Бироқ хабарларга кўра, “Саутҳэмптон” футболчиси учун тахминан 30 миллион фунт стерлинг олган.
Насрулло Каримов
Журналист