Франциялик футболчилар «Олтин тўп»ни қўлга киритиш бўйича рекорд ўрнатди
Усмон Ламин Ямал, Рафинья, Ашраф Ҳакими ва Витиня каби футболчиларни ортда қолдирди.
ФОТО: Getty images
“ПСЖ” клуби вингери Усмон Дембеле Франция футболи тарихида “Олтин тўп” мукофотини қўлга киритган олтинчи футболчига айланди.
Дембеле Ламин Ямал, Рафинья, Ашраф Ҳакими ва Витиня каби футболчиларни ортда қолдириб, бош совринга эга чиқди.
Бунгача ушбу индивидуал мукофотни қуйидаги француз футболчилари қўлга киритган эди:
Раймон Копа (“Реал” Мадрид),
Мишел Платини (“Ювентус”, мукофотни уч марта қўлга киритган),
Жан-Пьер Папен (“Марсель”),
Зинедин Зидан (“Ювентус”),
Карим Бензема (“Реал” Мадрид).
Шу тариқа, франциялик футболчилар “Олтин тўп” мукофотини қўлга киритиш бўйича рекорд ўрнатиб, Италия ва Германияни ортда қолдирди.
Розикжон Султонмуродов
Журналист