Франция. \"ПСЖ\" мавсумдаги илк мағлубиятини қабул қилиб олди
Фото: Getty Images
Франция чемпионатининг 31-турида чемпионлик масаласини ҳал қилган “ПСЖ” ўз майдонида “Ницца”ни қабул қилди.
Учрашув 3:1 ҳисобида меҳмонларнинг муваффақияти билан якунланди. Натижада Луис Энрике шогирдлари мавсумдаги илк мағлубиятини қабул қилиб олди. Бунга қадар парижликлар 30 ўйинда мағлубиятга учрамаганди.
Гарчи “ПСЖ” мағлубиятга учраган бўлса-да, муддатидан аввал Франйия чемпионига айланди, 31 ўйиндан сўнг жамоа ҳисобида 78 очко бор. Иккинчи ўриндаги “Марсель” ҳисобида 55 очко мавжуд. “Ницца” 54 очко билан 4-ўринга кўтарилиб олди.
Франция чемпионати. 31-тур
“ПСЖ” 1:3 “Ницца”
Голлар: Руис 41 - Сансон 34, 46, Ндайишимийе 70.
Розикжон Султонмуродов
Журналист