Франция. «Лилль» Жирунинг ягона голи эвазига «Монако»дан устун келди
Фото: Getty Images
Франция чемпионатининг 2-турида “Лилль” клуби ўз майдонида “Монако”ни қабул қилди.
Учрашув 1:0 ҳисобида мезбон жамоанинг ғалабаси билан якун топди. Ягона гол 90+1-дақиқада мезбонлар ҳужумчиси Оливье Жиру томонидан киритилди. 90+8-дақиқада ҳужумчи дублга эришиши мумкин эди, аммо 11 метрлик жарима зарбасини голга айлантира олмади.
Бу натижадан сўнг "Лилль" 2 ўйинда 4 очко тўплаб, Лига 1 турнир жадвалида бешинчи ўринга кўтарилиб олди. "Монако" 3 очко билан саккизинчи ўринга тушиб кетди.
Кейинги турда "Лилль" сафарда "Лорьян" меҳмони бўлса, "Монако" ўз майдонида "Страсбур"ни қабул қилади.
Франция чемпионати. 1-тур
«Лилль» 1:0 «Монако»
Гол: Жиру 90+1
