Fransiya. «Lill» Giroudning yagona goli evaziga «Monako»dan ustun keldi
Фото: Getty Images
Fransiya chempionatining 2-turida "Lill" klubi o‘z maydonida "Monako"ni qabul qildi.
Uchrashuv 1:0 hisobida mezbon jamoaning g‘alabasi bilan yakun topdi. Yagona gol 90+1-daqiqada mezbonlar hujumchisi Olivier Giroud tomonidan kiritildi. 90+8-daqiqada hujumchi dublga erishishi mumkin edi, ammo 11 metrlik jarima zarbasini golga aylantira olmadi.
Bu natijadan so‘ng "Lill" 2 o‘yinda 4 ochko to‘plab, Liga 1 turnir jadvalida beshinchi o‘ringa ko‘tarilib oldi. "Monako" esa 3 ochko bilan sakkizinchi o‘ringa tushib ketdi.
Keyingi turda "Lill" safarda "Loryan" mehmoni bo‘lsa, "Monako" o‘z maydonida "Strasbur"ni qabul qiladi.
Fransiya chempionati. 1-tur
"Lill" 1:0 "Monako"
Gol: Giroud 90+1
Roziqjon Sultonmurodov
Jurnalist