Франция – Испания учрашуви бир дақиқалик сукут билан бошланади
Мазкур қарор 2016-йил 14-июл куни Франциянинг Нитса шаҳрида содир этилган террорчилик ҳужумининг 10 йиллиги муносабати билан қабул қилинди.
Футбол
Насрулло Каримов
Журналист
Фото: Getty Images
2026-йилги FIFA Жаҳон чемпионатининг ярим финалидан ўрин олган Франция – Испания учрашуви бошланишидан аввал стадионда бир дақиқалик сукут сақланади.
Мазкур қарор 2016-йил 14-июл куни Франциянинг Нитса шаҳрида содир этилган террорчилик ҳужумининг 10 йиллиги муносабати билан қабул қилинди. Ўша фожиада 86 киши ҳалок бўлган, юзлаб инсонлар турли даражада жароҳат олган эди.
Франция сиёсатчилари ва Нитса шаҳар раҳбарияти FIFAга ярим финал баҳси олдидан қурбонлар хотирасига бир дақиқалик сукут эълон қилишни сўраб мурожаат қилган. FIFA ушбу ташаббусни маъқуллаган.
Эслатиб ўтамиз, Франция ва Испания ўртасидаги ЖЧ-2026 ярим финал учрашуви 14-июл куни АҚШнинг Арлингтон шаҳрида бўлиб ўтади.