Францеск Фабрегас: Олдимда ҳали 30 йил бор

«Комо» бош мураббийи Францеск Фабрегас АПЛда ишлаш имконияти ҳақида фикр юритди.

«АПЛ — дунёдаги энг яхши лига. Мен буни доимо жуда аниқ тушунганман. Буни ўйинчи, мураббий ва мухлис сифатида ҳис қилганман.

Бироқ Жозе Моуринью мен «Челси»да бўлган пайтимда бир марта шундай деган эди: «Менинг олдимда ҳали 30 йил бор».

Шу сабабли, гипотетик жиҳатдан мен «Комо»да яна 10 йил ишлашим ва 12-15 йилдан кейин барибир АПЛга тушишим мумкин.

Футбол шу қадар олдиндан айтиб бўлмайдиган соҳаки, у бир лаҳзада ўзгариб кетади. Бугун сен энг зўрисан, эртага эса — энг ёмони.

Шундай экан, келинг, лаҳзадан завқланайлик. Мен лаҳзадан завқланишни яхши кўраман», — деди 39 ёшли Францеск Фабрегас.

Иброҳим Жалолов

Редактор