Франк Рибери бу йил «Олтин тўп»га ким муносиб эканлигини айтди
Футзал бўйича Ўзбекистон Суперкубогига меҳмон сифатида таклиф этилган Франция футболи афсонаси Франк Рибери матбуот анжуманида иштирок этди.
- Ўзбекистонга ташрифингиздан мамнунмисиз. Бизнинг мамлакат ҳақидаги таассуротларингиз?
- Ўзбекистонга ташрифимдан олдин менга Кевин алоқага чиқди. Тассуротларим жуда катта. Жуда савияли ўйиннинг гувоҳи бўлдим. Ўзбекистон жуда тез ривожланиб бораётган мамлакат эканлигини кўрдик, амин бўлдик. Жаҳон чемпионатига йўлланма олганликларингиз билан табриклайман. Ўзбекистон ёшларида катта иштиёқни кўраяпман. Сизларнинг имкониятларингиз катта, бунга шубҳа йўқ.
- “Олтин тўп” эгасини аниқлаш тамойиллари ҳақида фикрингиз? Бу йилги мавсумда ким унга кўпроқ лойиқ деб ўйлайсиз?
- Бу анча мураккаб савол бўлди. “Олтин тўп”ни қўлга киритилган мукофотлар, эришилган ютуқлардан ташқари, сифатли ўйин кўрсатганлигини ҳам инобатга олиб беришса ёмон бўлмасди. Бу йилги мавсумда “Олтин тўп”ни олишга Усмон Дембеле кўпроқ ҳақли деб ўйлайман.
