FourFourTwo нашри энг яхши германлик футболчилардан иборат рейтинг тузди

FourFourTwo нашри тарихдаги энг яхши 10 нафар германлик футболчилар рейтингини эълон қилди.

Рўйхатни «Бавария»нинг собиқ ҳимоячиси Франс Беккенбауэр бошқариб берди. Иккинчи поғонадан мюнхенликларнинг яна бир афсонаси Герд Мюллер жой олган бўлса, кучли учликни «Бавария» шарафини ҳимоя қилган Лотар Маттеус якунлаб берди.

Рўйхатнинг тўлиқ кўриниши қуйидагича:

1. Франс Беккенбауэр;
2. Герд Мюллер;
3. Лотар Маттеус;
4. Филипп Лам;
5. Уве Зеелер;
6. Гюнтер Нетцер;
7. Мануэль Нойер;
8. Мирослав Клозе;
9. Фритц Вальтер;
10. Оливер Кан.

Беккенбауэр Германия терма жамоаси сафида жаҳон ва Европа чемпиони бўлган. «Бавария» таркибида эса ҳимоячи 13 та совринни, жумладан, уч бор Европа чемпионлари кубогини қўлга киритган.

Насрулло Каримов

Журналист