Формула-1 раҳбари ва Apple’нинг собиқ молия директори Янник Синнер фондининг кузатув кенгашига қўшилди
Расм: gettyimages.com Янник Синнер
Янник Синнернинг расмий сайти janniksinnerfoundation.org маълумотига кўра, теннис бўйича уч карра «Катта шлем» ғолиби ва жаҳон рейтинги етакчиси бўлган италиялик спортчи ташкил этган хайрия фонди кузатув кенгашига Формула-1 президенти Стефано Доменикали ва Apple’нинг собиқ бош молия директори Лука Маэстри аъзо бўлди. Ҳозирда Маэстри Apple’да корпоратив хизматлар гуруҳини бошқармоқда. Фонд президенти сифатида Янник Синнернинг узоқ йиллик менежери Алекс Виттур тайинланди.
Jannik Sinner Foundation болалар спортини қўллаб-қувватлашга йўналтирилган. Фонд мактаб лойиҳалари, спорт ташкилотлари ва жамоат ташаббусларини қўллаб-қувватлашни мақсад қилган.
Фонднинг расмий ҳамкорлари сифатида Rolex, Gucci, Head ва Nike брендлари иштирок этмоқда.
Бакрадзе Иман
Редактор