Фоден «Манчестер Сити»да қолишга тайёр
Агар келишув амалга оширилса, Филнинг маоши ҳам кўтарилади.
ФОТО: Getty images
«Манчестер Сити» ярим ҳимоячиси Фил Фоден фаолиятини «шаҳарликлар» сафида давом эттиришни истайди. Бу ҳақда Football Insider нашри хабар бермоқда.
Манбада келтирилишича, ҳозирда томонлар амалдаги шартномани узайтириш бўйича фаол музокаралар олиб боришмоқда. Агар келишув амалга оширилса, Фоденнинг маоши ҳам кўтарилади.
Transfermarkt портали Фоденнинг трансфер қийматини 80 миллион еврога баҳолаган. Маълумот учун, ярим ҳимоячи «Сити» академияси тарбияланувчиси ҳисобланади. Фил Англия Премьер-лигасида жами 218 та учрашув ўтказди. Ушбу баҳсларда хавбек 68 та гол уришга ва 31 та голли узатмани амалга оширишга муваффақ бўлган.
Розикжон Султонмуродов
Журналист