Флорентино Перес Рим папасига «Реал» футболкасини совға қилди
«Реал Мадрид» клубининг яқинда қайта сайланган 79 ёшли президенти Флорентино Перес Рим папасига клуб футболкасини топширди. Бу ҳақда мадридликлар матбуот хизмати ижтимоий тармоқларда хабар берди.
Перес сайловдаги ғалабасидан кейинги нутқида Рим папасига «қироллик клуби»нинг 1-рақамли майкасини совға қилишини маълум қилган эди.
Эслатиб ўтамиз, Флорентино Перес 2030 йилга қадар клубни бошқаришда давом этади. Функциянер ушбу лавозимни кетма-кет саккизинчи бор эгаллади.
Аввалроқ, Перес сайловда ғалаба қозонган тақдирда, Жозе Моуриньо «Реал» бош мураббийига айланиши мумкинлиги ҳақида хабар берилган эди. Шунингдек, қайта сайланган президент «Ливерпуль» ҳимоячиси Ибраима Конате ҳамда «Интер» аъзоси Дензел Думфрис билан шартнома имзоланганини ҳам эълон қилган.
