Florentino Peres Rim papasiga «Real» futbolkasini sovg‘a qildi
«Real Madrid» klubining yaqinda qayta saylangan 79 yoshli prezidenti Florentino Peres Rim papasiga klub futbolkasini topshirdi. Bu haqda madridliklar matbuot xizmati ijtimoiy tarmoqlarda xabar berdi.
Peres saylovdagi g‘alabasidan keyingi nutqida Rim papasiga «qirollik klubi»ning 1-raqamli maykasini sovg‘a qilishini ma’lum qilgan edi.
Eslatib o‘tamiz, Florentino Peres 2030 yilga qadar klubni boshqarishda davom etadi. Funksioner ushbu lavozimni ketma-ket sakkizinchi bor egalladi.
Avvalroq, Peres saylovda g‘alaba qozongan taqdirda, Joze Mourinyo «Real» bosh murabbiyiga aylanishi mumkinligi haqida xabar berilgan edi. Shuningdek, qayta saylangan prezident «Liverpul» himoyachisi Ibraima Konate hamda «Inter» a’zosi Denzel Dumfris bilan shartnoma imzolanganini ham e’lon qilgan.
