Флорентино Перес «Реал» бош мураббийи сифатида Юрген Клоппни кўришни истамоқда
Мадриднинг «Реал» клуби президенти Флорентино Перес жамоани немис мутахассиси Юрген Клопп бошқаришини орзу қилмоқда. Бу ҳақда журналист Санти Ауна (Footmercato) хабар бермоқда.
Манбага кўра, Перес яқин вақт ичида Клоппни «Қироллик клуби» бош мураббийлиги лавозимини қабул қилишга кўндиришга ҳаракат қилади.
Юрген Клопп футбол жамоатчилигига асосан Дортмунднинг «Боруссия» клубидаги фаолияти орқали танилган. Шунингдек, у «Майнц»да ишлаган, 2016–2024 йиллар оралиғида эса «Ливерпуль»ни бошқарган. Инглиз клубида Клопп АПЛ чемпионлиги, УЕФА Чемпионлар Лигаси, миллий кубоклар ҳамда Клублар ўртасидаги Жаҳон чемпионатини қўлга киритган.
Аввалроқ «Реал» матбуот хизмати бош мураббий Хаби Алонсо билан ўзаро келишув асосида хайрлашилганини маълум қилган эди.
