Флорентино Перес пайшанба куни «Реал»нинг янги «бомба» трансферини эълон қилади
«Реал Мадрид» президенти Флорентино Перес яқин кунларда катта трансфер амалга ошишини расман тасдиқлади. AS нашрининг хабар беришича, клуб раҳбари тез орада мухлисларни хурсанд қилмоқчи.
«Шу пайшанба куни мен «Реал»нинг кейинги мавсум учун илк шов-шувли трансферини эълон қиламан. Менинг спорт лойиҳам нимадан иборат эканлигини ҳамма яхши билади: таркибда энг зўр футболчиларни жамлаш ва ғалаба қозонишда давом этиш», — дея Переснинг сўзларини келтиради манба.
Эслатиб ўтамиз, ортида қолган мавсум якунларига кўра, Мадрид клуби Испания чемпионати турнир жадвалида 86 очко жамғариб, иккинчи ўринни эгаллаган эди.
Бундан ташқари, «Реал Мадрид» клуби президентлик сайловлари бўлиб ўтадиган санани ҳам расман эълон қилди. Сайлов шу якшанба, 7 июн куни бўлиб ўтади. Унда икки нафар номзод — амалдаги президент Флорентино Перес ҳамда испаниялик тадбиркор Энрике Рикелме ўзаро кураш олиб боришади. Сайлов олдидан эълон қилинадиган бу трансфер Перес учун катта козир бўлиши аниқ!
