Флорентино Перес: «Ла Лига «Реал»ни танқид қилувчи нашрларни молиялаштирмоқда»
Мадриднинг «Реал» клуби президенти Флорентино Перес Ла Лига раҳбарияти «қироллик клуби» ҳақида салбий мазмундаги хабарлар тарқатувчи ОАВларни ҳомийлик асосида қўллаб-қувватлаётгани ҳақида ўз фикрини билдирди.
«ABC газетаси «Relevo» нашрини ташкил этган компанияга тегишли. «Relevo» Ла Лига билан тузилган келишувга биноан, рақамли газета чиқаришга эътибор қаратди ва бу лойиҳа 25 миллион евро зарар келтирди — ушбу маблағ эса Ла Лига томонидан қоплаб берилди.
«Relevo» нашрининг ягона мақсади — Мадриднинг «Реал» клубига ва Флорентино Пересга ҳужум қилиш эди. Менинг отам доим ABC ўқирди, ўзим ҳам кўп йиллар давомида ушбу газетага обуна бўлганман. Отамнинг хотираси ҳурмати, шунча йиллик обунадан сўнг ABC ўқишни тўхтатишга қарор қилдим», — деди Перес матбуот анжуманида.
