Флорентино Перес истеъфога чиқмаслигини ва соғлиғи ҳақидаги гаплар ёлғонлигини маълум қилди
Ҳозирда у 79 ёшда.
ФОТО: Getty Images
Мадриднинг «Реал» клуби президенти Флорентино Перес ўз лавозимини тарк этиш нияти йўқлигини билдирди. Шунингдек, 79 ёшли функционер ўзида оғир касаллик борлиги ҳақидаги хабарларни рад этди.
«Сизларга буни айтаётганимдан афсусдаман, лекин мен истеъфога чиқмоқчи эмасман... Мен истеъфога чиқмайман! Менга қарши кампаниялар олиб борилмоқда. Бироқ мен ҳамон шу ердаман ва президентман. Одамлар менда саратон борлигини гапиришди, лекин буларнинг барчаси уйдирма. Мен чарчаганим йўқ», — деди Перес матбуот анжуманида.
Эслатиб ўтамиз, Перес 2000 йилдан 2006 йилгача «Реал» президенти лавозимида ишлаган. У 2009 йили яна ушбу лавозимга қайтган эди.
Насрулло Каримов
Журналист