Florentino Peres iste’foga chiqmasligini va sog‘lig‘i haqidagi gaplar yolg‘onligini ma’lum qildi
Hozirda u 79 yoshda.
FOTO: Getty Images
Madridning «Real» klubi prezidenti Florentino Peres o‘z lavozimini tark etish niyati yo‘qligini bildirdi. Shuningdek, 79 yoshli funksioner o‘zida og‘ir kasallik borligi haqidagi xabarlarni rad etdi.
«Sizlarga buni aytayotganimdan afsusdaman, lekin men iste’foga chiqmoqchi emasman... Men iste’foga chiqmayman! Menga qarshi kampaniyalar olib borilmoqda. Biroq men hamon shu yerdaman va prezidentman. Odamlar menda saraton borligini gapirishdi, lekin bularning barchasi uydirma. Men charchaganim yo‘q», — dedi Peres matbuot anjumanida.
Eslatib o‘tamiz, Peres 2000 yildan 2006 yilgacha «Real» prezidenti lavozimida ishlagan. U 2009 yilda yana ushbu lavozimga qaytgan edi.
Nasrullo Karimov
Jurnalist