Флорентино Перес: «Бу мавсумда биздан 18 очкони ўғирлашди»
Мадриднинг «Реал» клуби президенти Флорентино Перес жорий мавсумда ҳакамларнинг қарорлари сабабли «қаймоқранглилар» 18 очко йўқотганини маълум қилди. Шунингдек, 79 ёшли функционер унинг раҳбарлиги даврида «қироллик клуби» кўпроқ Ла Лига титулларини қўлга киритиш лозим бўлганини таъкидлади.
«Қандай қилиб ғазабланмаслигим мумкин? Мен 7 та Ла Лига титулини ютдим, аммо улар 14 та бўлиши керак эди. Мени уларнинг еттитасидан маҳрум қилишди. Бу мавсумда эса биздан 18 очкони ўғирлашди. Ушбу «режим зиёлилари» бизга зарар етказишмоқда», — деди Перес матбуот анжуманида.
Испания чемпионатининг 35 туридан сўнг «Реал» 77 очко жамғарган ҳолда иккинчи ўринни эгаллаб турибди.
Эслатиб ўтамиз, Перес 2000 йилдан 2006 йилгача «Реал» президенти лавозимида ишлаган. У 2009 йилда яна ушбу лавозимга қайтган эди.
