Флик: «У қачон ўзини яхши ҳис қилса, шундагина жамоага қайтади»

«Барселона» бош мураббийи Ҳанс-Дитер Флик Испания Ла Лигасининг 23-тури доирасидаги «Мальорка»га қарши баҳс олдидан жамоа ҳужумчиси Рафинянинг тикланиш жараёни ҳақида тўхталиб ўтди.

«Биз кутумиз керак. У қачон ўзини яхши ҳис қилса, шундагина жамоага қайтади, ундан олдин эмас. Бу биз амал қилишимиз керак бўлган йўлдир», — дея Фликнинг сўзларидан иқтибос келтирмоқда AS нашри.

Эслатиб ўтамиз, бразилиялик футболчи ўнг сонидаги яқинлаштирувчи мушак жароҳати туфайли Испания Кубоги 1/4 финалидан ўрин олган «Альбасете»га (2:1) қарши баҳсни ўтказиб юборган эди.

Маълумот учун, Рафиня жорий мавсумда «кўк-анорранглилар» сафида барча мусобақаларда 22 та учрашувда майдонга тушиб, ўзи ҳисобига 13 та гол ва 4 та ассист ёздириб қўйишга улгурди.

Насрулло Каримов

Журналист