Флик “Реал”нинг “Бетис”га қарши мағлубиятига муносабат билдирди
Мадридликлар баҳс давомида бир қатор вазиятлар яратган бўлса-да, 81-дақиқада ўтказиб юборилган гол натижани ҳал қилди.
Фото: Getty Images
“Барселона” бош мураббийи Ханси Флик “Реал Мадрид”нинг “Бетис”га қарши сафар учрашувидаги 0:1 ҳисобидаги мағлубиятига муносабат билдирди. Мадридликлар баҳс давомида бир қатор вазиятлар яратган бўлса-да, 81-дақиқада ўтказиб юборилган гол натижани ҳал қилди.
Флик рақибнинг натижасига ортиқча эътибор қаратмаслигини таъкидлади.
“Реал яхши ўйнади ва ғалаба қозониш учун кўплаб вазиятлар яратди. Аммо биз учун энг муҳими — ўзимизга эътибор қаратиш”, — деди германиялик мутахассис.
Маълумот учун, “Барселона” айни пайтда 9 очко билан Ла Лига турнир жадвалида етакчилик қилмоқда ва “Реал”га нисбатан битта кам учрашув ўтказган. Каталонияликлар 6 сентябрь куни сафарда “Валенсия”га қарши майдонга тушади.
