Флик: «Финалга чиқиш учун охиригача курашамиз»
Мадриддаги баҳс 4:0 ҳисобида якунига етди.
ФОТО: Getty images
“Барселона” бош мураббийи Ханс-Дитер Флик Испания Кубоги ярим финалида “Атлетико”дан учралган йирик ҳисобдаги мағлубият ҳақида фикр билдирди.
"Бу ҳали якун эмас, олдинда ўз стадионимиздаги жавоб ўйини бор. Бизга мухлисларимизнинг қўллаб-қувватлаши жуда зарур. Ҳеч нарсани истисно қилмаслик керак. Биз ҳали вазиятни ўзгартира оламиз. Охиригача курашамиз ва финалга чиқиш учун қўлимиздан келган барча ишни қиламиз", — деди Флик матбуот анжуманида.
Маълумот учун, жавоб баҳси 4 март кунига белгиланган. Ўйин Каталонияда бўлиб ўтади.
Розикжон Султонмуродов
Журналист