Флик: «Бундай ўйинларда гол уриш жуда қийин»
Германиялик мутахассис жамоасининг кубокдаги ғалабаси ҳақида гапирди.
ФОТО: Getty images
"Барселона" бош мураббийи Ҳанси Флик Испания кубоги 32-турида “Гвадалахара” устидан қозонилган ғалаба (2:0) ҳақида фикр билдирди.
"Менга жамоанинг жанговар руҳи жуда ёқади ва ғалабадан хурсандман. Кубок ўйинлари ҳар доим қийин кечади, аммо биз яхши ўйнадик. Энг муҳими ўйин давомидаги фикримиз ва муносабатимиз эди.
Такрор айтаман, футболчиларнинг бу ўйинга бўлган муносабати ҳал қилувчи бўлди. Бундай ўйинларда гол уриш қийин, аммо биз гол уришга муваффақ бўлдик", - деб Флик сўзларини келтиради Marca нашри.
Ушбу учрашувдаги голларни даниялик ҳимоячи Андрес Кристенсен 76-дақиқада ва инглиз вингери Маркус Решфорд 90-дақиқада киритди.
Розикжон Султонмуродов
Журналист