Флик: Биз Ла Лигани ютишни мақсад қилганмиз — «Барселона» 4 очколик фарқ билан пешқадам
Расм: gettyimages.com Ханс Дитер Флик
«Барселона» бош мураббийи Ханс-Дитер Флик жамоанинг Испания чемпионлигини қўлга киритишга бўлган интилишини изоҳлади. Унинг сўзларини Mundo Deportivo нашри келтиради:
— Бизнинг асосий мақсадимиз — Ла Лигани ютиш. Бу мусобақа фақат узоқ ва барқарор мавсум якунида бериладиган соврин. Унга эришиш учун ҳар бир босқичда энг юқори даражада ўйнаш керак, — деди немис мутахассиси.
33 турдан сўнг «Барселона» 76 очко билан турнир жадвалида пешқадамлик қилмоқда. Жамоа энг яқин таъқибчидан 4 очко олдинда.
Навбатдаги учрашувни каталонияликлар сафарда «Валядолид»га қарши ўтказади. Ла Лиганинг 34-тури доирасидаги ўйин Тошкент вақти билан 3 майдан 4 майга ўтар кечаси соат 00:00 да бошланади.
Бакрадзе Иман
Редактор