Флик: «Биз энг яхши ўйинимизни намойиш эта олмадик»
«Барселона» бош мураббийи Ханс-Дитер Флик УЕФА Чемпионлар Лигасининг 1/8 финал босқичи доирасида «Ньюкасл» билан кечган дастлабки учрашувдан (1:1) сўнг ўз фикрлари билан ўртоқлашди.
Флик жамоанинг кўрсатган ўйинини юқори баҳоламади ва йўл қўйилган камчиликларга алоҳида урғу берди:
«Биз энг яхши ўйинимизни намойиш эта олмадик: тўпни кўп йўқотдик ва яратилган имкониятлардан фойдалана олмадик. Рақиб сафида тезкор футболчилар кўп, шунга қарамай, ҳимоядаги ҳаракатлардан қониқдим. Учрашув юқори интенсивликда ўтди. Таътилдан сўнг тақвимимизда ўйинлар сони кўпайди, аммо биз аста-секин жисмоний ҳолатимизни тиклаб оламиз. Кўплаб хатоларга йўл қўйдик ва кўп қоидабузарликлар содир этдик. Ҳозир тикланиш жараёни муҳим: якшанба куни бизни янги ўйин кутмоқда, тайёргарлик учун вақтиимиз бор. Бундай даражадаги мусобақалар доимий мослашувни талаб қилади», — дея Фликнинг сўзларини келтирмоқда Marca нашри.
Эслатиб ўтамиз, «Барселона» ва «Ньюкасл» жамоалари ўртасидаги жавоб учрашуви жорий йилнинг 18 март куни Испанияда бўлиб ўтади.
