Флик: «Биз Чемпионлар Лигасида ғалаба қозонишга қодир жамоамиз»
«Барселона» клуби бош мураббийи Ҳанс-Дитер Флик УЕФА Чемпионлар Лигасининг 1/8 финал босқичи доирасида «Ньюкасл»га қарши бўлиб ўтадиган жавоб учрашуви олдидан жамоасининг ушбу турнирдаги мақсадлари ҳақида ўз фикрларини билдирди. Мазкур жамоалар ўртасидаги дастлабки баҳсда 1:1 ҳисобидаги дуранг натижа қайд этилган эди.
«Бу — футбол. Кўп нарса юз бериши мумкин ва эртага вазият бутунлай ўзгариб кетиши эҳтимоли бор, бироқ биз ижобий кайфиятни сақлаб қолишимиз шарт. Жамоа таркибида юқори маҳоратли футболчилар кўп ва ўйинимизни янада кучайтиришимиз керак бўлса-да, биз ушбу Чемпионлар Лигасида ғолиб чиқишга қодирмиз, деб ўйлайман.
Ҳозирги босқичда барча футболчиларнинг жисмоний ҳолати жойида бўлиши ва ўзларининг энг яхши ўйинларини кўрсатишлари жуда муҳим. Келгуси бир ой давомида биз учун энг асосийси айнан шу», — дея Фликнинг сўзларини келтиради УЕФА расмий сайти.
Маълумот учун, жорий мавсумдаги Чемпионлар Лигасининг финал баҳси 2026 йил 30 май куни Будапештдаги «Пушкаш Арена» стадионида бўлиб ўтиши белгиланган.
