Флик: «Биринчи бўлимда жуда секин ҳаракат қилдик ва ўз ўйинимизни кўрсата олмадик»

«Барселона» бош мураббийи Ханс-Дитер Флик Испания Ла Лигасининг 23-тури доирасида «Мальорка» устидан қозонилган ғалабадан (3:0) сўнг ўз фикрлари билан ўртоқлашди.

«Биринчи бўлимда биз жуда секин ҳаракат қилдик ва ўз ўйинимизни кўрсата олмадик. Иккинчи бўлим эса анча мазмунли ўтди. Биз уч очкони қўлга киритдик, учта гол урдик ва ўз дарвозамиз дахлсизлигини сақлаб қолдик. Шундай экан, бу биз учун жуда ижобий кун бўлди.

Тактик жиҳатдан тўхталадиган бўлсак, таннаффусдан сўнг баъзи ўзгаришларни амалга оширишимизга тўғри келди», — дея Фликнинг сўзларини келтиради Marca нашри.

Испания чемпионатининг 23 та туридан сўнг «Барселона» 58 очко тўплаган ҳолда турнир жадвалида якка пешқадамлик қилмоқда. «Мальорка» эса 24 очко билан 13-поғонани банд этган.

Насрулло Каримов

Журналист