Флик: «Ҳамма нарса расман ҳал бўлганидан кейин байрам қиламиз»
«Барселона» бош мураббийи Ҳанс-Дитер Флик Испания Ла Лигасининг 32-туридан ўрин олган «Хетафе»га қарши ўйиндаги ғалаба (2:0) ҳамда чемпионлик учун кураш ҳақида ўз фикрлари билан ўртоқлашди.
«Биз ўз ўйинимизни кўрсатишни истаган эдик. Майдонда кўрганларим — ҳам тўп билан, ҳам тўпсиз ҳаракатларимиз менга жуда маъқул бўлди. Вазиятлардан унумли фойдалана олиш қобилияти бугун ҳал қилувчи аҳамиятга эга бўлди. Биз бўш ҳудудлардан максимал даражада фойдаланишга ҳаракат қилдик.
Энг муҳими — бугунги кун; биз ҳозирча бошқа нарса ҳақида ўйлашни истамаймиз. Ҳамма нарса расман ҳал бўлганидан кейин байрам қиламиз», — дея Фликнинг сўзларини келтирмоқда AS нашри.
Испания чемпионатининг 33 та учрашувидан сўнг «Барселона» 85 очко жамғарган ҳолда турнир жадвалида якка пешқадамлик қилмоқда. Мадриднинг «Реал» клуби эса 74 очко билан иккинчи поғонадан жой олган. «Хетафе» 44 очко билан олтинчи ўринни эгаллаб турибди.
