«Фиорентина» Зиркзеени ижарага олиши мумкин

«Манчестер Юнайтед» ҳужумчи Жошуа Зиркзеени ижарага олиш бўйича «Фиорентина»нинг таклифини кўриб чиқмоқда.

Инсайдер Фабрицио Романо маълумотига кўра, италияликлар футболчи учун 5 миллион евро тўлашга, унинг маоши харажатларини ўз зиммасига олишга ҳамда кейинчалик футболчини сотиб олиш опциясини фаоллаштиришга тайёр.

Маълумот учун, 25 ёшли нидерландиялик ҳужумчининг «Манчестер Юнайтед» билан амалдаги шартномаси 2029 йил 30 июнга қадар мўлжалланган. Унинг бозор қиймати 20 миллион еврони ташкил этади.

Зиркзее «Манчестер Юнайтед»даги икки йил давомида 75 та учрашувда майдонга тушиб, 9 та гол урди ва 4 та голли узатмани амалга оширди.

Футболчининг вакиллари ҳам «Фиорентина» таклифини ўрганмоқда.

Розикжон Султонмуродов

Журналист

0 0 0 0 0 0